A cylinder caught fire in Kankavli
संपलेल्या सिलिंडरच्या जागी भरलेला सिलिंडर लावत असतानाच नॉब उघडल्यानंतर अचानक आगीच्या संपर्कात आलेल्या सिलिंडरने अचानक पेट घेतला. कणकवली शहरातील जळकेवाडी येथील कृष्णा चव्हाण यांच्या घरी गुरुवारी सकाळी ८.३० वा. सुमारास झालेल्या या घटनेनंतर कृष्णा यांचा मुलगा राजू चव्हाण यांनी सतर्कता दाखवत पेटलेला सिलिंडर किचनरूमच्या बाहेरील पडवीत ढकलला. तेथे सिलिंडरचा स्फोट झाला आणि आगीच्या ज्वाळांनी पडवीतील कौलेही उडाली आणि वाशांनीही पेट घेतला. तेथील वाॅशिंग मशिन, पाण्याची टाकी जळून नुकसान झाले. अगदी नजीकच्या झाडांच्या पानांनाही आगीची झळ बसली होती. घटना समजताच परिसरातील नागरिकांनी धाव घेऊन मिळेल त्या साधनांचा वापर करत आग आटोक्यात आणली.
कणकवली / वार्ताहर