बीसीसीआयच्या निवड समितीच्या सल्लागार समितीवर तीन सदस्यांची नियुक्ती

मुंबई : भारतीय क्रिकेट नियामक मंडळाने (BCCI) नवीन अखिल भारतीय वरिष्ठ निवड समितीची नियुक्ती करण्यासाठी नवीन क्रिकेट सल्लागार समिती (CAC) नियुक्त करण्याची घोषणा केली आहे. या समितीवर जतीन परांजपे, अशोक मल्होत्रा ​​आणि सुलक्षणा नाईक या सदस्यांचा समावेश आहे.

अशोक मल्होत्रा (Ashok malhotra) ​​यांनी भारतासाठी एकुण ७ कसोटी आणि२० एकदिवसीय सामने खेळले आहेत. ते भारतीय क्रिकेटर्स असोसिएशनचे अध्यक्षही होते. तर जतिन परांजपे (Jatin Paranjape) यांनी भारतासाठी ४ एकदिवसीय सामने खेळले आहेत. ते वरिष्ठ पुरूष संघाच्या निवड समितीवरही सदस्य म्हणुन होते.
मुळच्या मुंबईच्या असणाऱ्या सुलक्षणा नाईक (Sulkshana Naik) यांनी आपल्या 11 वर्षांच्या कारकिर्दीत भारतासाठी २ कसोटी, 46 एकदिवसीय आणि 31 टी-20 सामने खेळले आहेत. 2020 मध्ये त्या आरपी सिंग आणि मदन लाल यांच्यासमवेत CAC समितीच्या सदस्या म्हणून नियुक्त केल्या गेल्या होत्या.