बेळगाव : मनोरंजक घटना सर्वत्र पाहायला मिळतात, फक्त आपण त्या शोधायला हव्यात. बरीच माणसे प्रथमदर्शी खूप कठोर व कडक वाटतात. मात्र, वास्तवात ती वेगळीच असतात, असे विचार डोंबिवली येथील साहित्यिक प्रकाश चांदे यांनी व्यक्त केले. लोकमान्य ग्रंथालयात झालेल्या गप्पाटप्पा कार्यक्रमात ते बोलत होते. त्यांनी या गप्पांमध्ये पु. ल. देशपांडे, विद्याधर गोखले, इरावती कर्वे, रमेश मंत्री, रविंद्र पिंगे, बाळ सामंत या व अन्य साहित्यिकांच्या जीवनातील मनोरंजक किस्से सांगितले. पूर्वी गरिबी होती, मात्र ताण कमी होते. आता गरिबी कमी झाली पण ताणतणाव वाढले. म्हणूनच आपण मनोरंजक भाग शोधून मनोरंजन करून घ्यायला हवे, असे ते म्हणाले.
