बेळगाव : रुक्मिणीनगर येथे बुधवारी सायंकाळी चुरशीने मतदान झाले. दुपारच्या सत्रात शुकशुकाट असणाऱ्या मतदान केंद्रावर सायंकाळी 4 नंतर मात्र गर्दी झाली. मतदारांव्यतिरिक्त इतर व्यक्ती मतदान केंद्रात शिरल्याने नागरिकांनी आक्षेप घेतला. यामुळे पोलीस व स्थानिकांमध्ये वादावादीचा प्रकार घडला. तरुणाईला पांगविण्यासाठी पोलिसांनी बळाचा वापर केला. बेळगाव उत्तर मतदारसंघातील रुक्मिणीनगर येथील मतदान केंद्रावर सायंकाळी 4 नंतर गर्दी उसळली होती. यामध्ये महिलांची संख्या सर्वाधिक होती. गर्दीचा फायदा घेत काहींनी मतदान केंद्राच्या परिसरात प्रवेश केला. मतदारांना आमिषे दाखविली जात असून हे प्रकार थांबवावेत, यासाठी एका गटाने पोलिसांकडे दाद मागितली. स्थानिक पोलिसांसह केएसआरपी जवानांनी मतदारांव्यतिरिक्त इतर सर्वांना मतदान केंद्राबाहेर काढले. बोगस मतदान होत असल्याचा आरोप करत पोलिसांशी हुज्जत घातली. प्रकरण आवाक्याबाहेर जात असल्याने अखेर जादा कुमक मागविण्यात आली. पोलिसांनी रस्त्यावर उभ्या असणाऱ्या सर्वांना हुसकावून लावले. त्यानंतर सायंकाळी उशिरापर्यंत रुक्मिणीनगर येथे मतदान सुरू होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Add A Comment
