पुणे / प्रतिनिधी :
Extension of deadline for 10th, 12th exam applications महाराष्ट्र राज्य माध्यमिक व उच्च माध्यमिक शिक्षण मंडळातर्फे फेब्रुवारी-मार्च 2023 मध्ये घेण्यात येणाऱ्या दहावी आणि बारावीच्या परीक्षा अर्जाला भरण्यासाठी मुदतवाढ देण्यात आली आहे. बारावीच्या विद्यार्थ्यांना 30 नोव्हेंबरपर्यंत, तर दहावीच्या विद्यार्थ्यांना 25 नोव्हेंबरपर्यंत अर्ज भरता येणार आहे, अशी माहिती राज्य मंडळाच्या सचिव अनुराधा ओक यांनी दिली आहे.
फेब्रुवारी- मार्च 2023 च्या परीक्षेस प्रविष्ट होऊ इच्छिणाऱ्या नियमित, व्यवसाय अभ्यासक्रम घेणारे, सर्व शाखांचे पुनर्परीक्षार्थी, नाव नोंदणी प्रमाणपत्र प्राप्त झालेले खासगी विद्यार्थी तसेच श्रेणीसुधार योजनेअंतर्गत व तुरळक विषय, औद्योगिक प्रशिक्षण संस्थेद्वारे (आयटीआय) ट्रान्सफर ऑफ क्रेडिट घेणाऱ्या विद्यार्थ्यांचे अर्ज दिलेल्या मुदतीत शाळा, महाविद्यालयांमार्फत ऑनलाइन पद्धतीने बोर्डाच्या संकेतस्थळावर भरायचे आहेत.
अधिक वाचा; Pune : मटणाच्या सुपात भाताचे तुकडे आढळल्याने वेटरचा खून
दहावीची परीक्षा देणाऱ्या पुनर्परीक्षार्थी, नाव नोंदणी प्रमाणपत्र प्राप्त झालेले खासगी विद्यार्थी, तसेच श्रेणीसुधार योजनेअंतर्गत व तुरळक विषय घेऊन, आयटीआयद्वारे ट्रान्सफर ऑफ क्रेडिट घेणाऱ्या विद्यार्थ्यांना ऑनलाईन पद्धतीने अर्ज भरण्यासाठी 25 नोव्हेंबरची मुदत देण्यात आली आहे, तर माध्यमिक शाळांना चलनाव्दारे बँकेत शुल्क भरण्यासाठी 29 नोव्हेंबरपर्यंत मुदत देण्यात आली आहे. तर प्री-लिस्ट चलनासोबत विभागीय मंडळात जमा करण्यासाठी 1 डिसेंबरची मुदत देण्यात आली आहे.
बारावीसाठी 30 नोव्हेंबरपर्यंत (विलंब शुल्कासह) अर्ज भरण्याची संधी देण्यात आली आहे. तसेच उच्च माध्यमिक शाळा व कनिष्ठ महाविद्यालयांनी चलनाद्वारे बँकेत शुल्क भरण्यासाठी 2 डिसेंबरपर्यंत मुदत देण्यात आल्याचे राज्य मंडळाने स्पष्ट केले आहे.