अहमदाबाद : भारतीय जनता पक्षाचे नेते केसरीसिंह सोलंकी यांनी गुरुवारी भारतीय जनता पक्षाला सोडचिठ्ठी देत आम आम आदमी पार्टीत प्रवेश केला. भाजपने आगामी विधानसभा निवडणुकीसाठी उमेदवारांची पहिली यादी जाहीर केल्यानंतर त्यांचा राजीनामा आला आहे.
गुजरातमधील मातर विधानसभा मतदारसंघाचे विद्यमान आमदार असलेले केसरीसिंह सोलंकी २०१४ आणि २०१७ अशा दोन सलग निवढणुकांमध्ये निवडूण आले आहेत. भाजपने गुरुवारी आपल्या उमेदवारांची यादी जाहीर करून भाजपने मातर मतदारसंघातून कल्पेश परमार यांना उमेदवारी दिली. त्यामुळे विद्यमान आमदार सोलंकी भाजपवर नाराज असून त्यामुळे त्यांनी अरविंद केजरीवाल यांच्या नेतृत्वाखालील आम आदमी पक्षात प्रवेश केला असल्याचे बोलले जात आहे.
गुजरात आपचे अध्यक्ष गोपाल इटालिया यांनी एका ट्विटमध्ये सोलंकी यांचे पक्षात स्वागत केले आहे. “मातर विधानसभेचे लोकप्रिय, कष्टाळू, निडर आमदार केसरीसिंह सोलंकी जी यांनी आज अरविंद केजरीवाल यांच्या प्रामाणिक राजकारणाने प्रेरित होऊन आम आदमी पक्षात प्रवेश केला आहे. मी केसरीसिंहजींचे आम आदमी पक्षात मनापासून स्वागत करतो. गुजरातमध्ये आम्ही मिळून एक प्रामाणिक सरकार स्थापन करू.” असेही ते म्हणाले.
Previous Articleअभिनंदन…पण इतक्यावर थांबू नये
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.