इचलकरंजी / प्रतिनिधी
शहरालगतच्या शहापूर येथील म्हसोबा मंदिरा परिसरालगत मित्राने मित्राचा शांत डोक्याने खून केला. सुरेश बबन कांबळे ( रा. रेणूका झोपडपट्टी, तारदाळ, ता. हातकणंगले) असे मृत तरुणाचे नाव आहे. तो यंत्रमाग उद्योगात वहीफणीचे काम करीत होता. मृत कांबळे यांच्या तोंडावर दगड घालुन खून करण्यात आला असून, ही घटना सोमवारी दुपारी उघडकीस आली आहे. या घटनेची माहिती समजताच घटनास्थळी वरिष्ठ पोलीस अधिकाऱ्याच्यासह शहापूर पोलीस दाखल झाले आहे, अशी माहिती पोलिसांनी दिली.