थंडीच्या दिवसांत बाजारात मोठ्या प्रमाणावर गाजर उपलब्ध होतात.आणि गाजराचा सीझन आला की प्रत्येकाच्या घरात हलवा बनवला जातो. हा हलवा लहानांपासून मोठ्यांपर्यंत सर्वानाच आवडतो. शिवाय तो चविष्ट आणि पौष्टिकही असतो.पण हलवा बनवण्यासाठी जास्त वेळ लागतो. तसेच गाजर किसताना देखील त्रास होतो. पण आज आपण गाजर न किसता झटपट हलवा कसा बनवायचा हे जाणून घेऊयात.
साहित्य
अर्धा किलो गाजर
तीन चमचे तूप
एक चमचा वेलची पूड
पाव वाटी ड्रायफ्रुटस
साखर
२ चमचे खवा
दूध
कृती
सर्वप्रथम गाजराचे बारीक काप करून घ्या. यानंतर कुकरमध्ये ते काप घालून त्यात १ ग्लास दूध घालावे. आणि कुकरच्या तीन शिट्ट्या करून घ्याव्यात. हे मिश्रण थंड झाल्यावर एका कढईमधे ३ चमचे तूप घ्यावे आणि त्यामध्ये आवडीनुसार ड्राय फ्रुटस तळून घ्यावेत.यांनतर त्यामध्ये थंड झालेले गाजराचे मिश्रण घालावे.मिश्रण घट्ट वाटत असेल तर त्यात थोडेसे दूध घालावे. हे मिश्रण उकळल्यानंतर त्यामध्ये एक वाटी साखर घालावी. (आवडीनुसार साखर कमी जास्त करू शकता) तसेच त्यामध्ये वेलची पूड आणि २ चमचे खावा घालावा. आणि सर्व मिश्रण चमच्याने एकजीव करून घ्यावे.तयार झालेला झटपट आणि स्वादिष्ट हलवा फ्रिजमध्ये ठेवून किंवा थंड झाल्यावर तुम्ही सर्व्ह करू शकता.
Previous Articleभारत, यजमान दक्षिण आफ्रिका एकाच गटात
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.