सुरतहून गुवाहाटीला रवाना
मुंबई : जून
शिवसेना आमदारांच्या बंडामुळे महाविकास सरकार धोक्यात असतानाच शिवसेनेला आज एक मोठा धक्का बसला आहे. उच्च व तंत्र शिक्षण मंत्री उदय सामंत हेसुद्धा सकाळपासून नॉट रिचेबल असून मंत्री सामंत हेसुद्धा एकनाथ शिंदे गटात सामील झालं असल्याचं सांगितलं जात आहे.
गेल्या आठवडा भर शिवसेनेत बंडखोर आमदारांच काहूर माजले आहे. रोज दोन तीन आमदार शिंदे गटात जात आहेत. शिवसेनेचे 9 पैकी 7 मंत्री गुवाहाटीमध्ये असतानाच आज उच्च व तंत्र शिक्षण मंत्री उदय सामंत यांची वर्णी शिंदे गटात लागली आहे. सुरतहून विशेष विमानाने उदय सामंत गुवाहाटीला रवाना होणार असल्याचं बोललं जात आहे. सुरतहून निघालेल्या उदय सामंत यांच्या फ्लाईटच्या तिकीटाचे फोटो सोशल मिडीयावर फिरत आहेत.