यंदाच्या वर्षातला पहिला पोलिओ रविवार आज आहे. देशातील ११ राज्यं आणि केंद्रशासित प्रदेशांमध्ये आजपासून पोलिओ लसीकरण अभियान सुरू झाले आहे.
या मोहिमेत ० ते ५ या वयोगटातील सुमारे तीन कोटी नऊ लाख बालकांना पोलिओची लस देण्यात येणार आहे. आरोग्य केंद्र तसेच उभारण्यात आलेल्या बुथांवर बालकांना पोलिओ डोस दिला जाणार आहे.
२०१४ मध्येच भारत पोलिओमुक्त घोषीत करण्यात आला आहे. तरीही इतर देशातून पोलिओ विषाणूचा संसर्ग होण्याची शक्यता नाकारता येत नाही. त्यामुळे अशा अभियानांचं आयोजन केलं जाते.