बेळगाव : माजी राज्यसभा सदस्य व केएलईचे चेअरमन डॉ. प्रभाकर कोरे यांनी नवी दिल्ली येथील केंद्रीय संरक्षण मंत्री राजनाथ सिंह यांची भेट घेतली. यावेळी त्यांनी कॅन्टोन्मेंटमधील नागरिकांना भेडसावणाऱया पाणी टंचाई, खंडित वीजपुरवठा, औषधांची कमतरता याबद्दल माहिती दिली. पुरेशा निधीअभावी कॅन्टोन्मेंट बोर्डाच्या कर्मचाऱयांच्या वेतनाला तसेच निवृत्ती वेतनाला विलंब होत आहे, याकडेही केंद्रीय मंत्र्यांचे त्यांनी लक्ष वेधले.
