मुंबई : राज्यातील इतिहासात शिवसेनेमध्ये सर्वात मोठं बंड सुरू झाले असून महा विकासआघाडी (mahavikas aghadi) सरकार कोणत्याही क्षणी पडू शकते. शिवसेनेच्या गोटात वातावरण तापले असताना राष्ट्रवादी (NCP) आणि काँग्रेसच्या (Congress) गोटात नेमकं काय चाललंय? हे देखील समोर आलेलं आहे.
राज्यसभा निवडणुकीनंतर महाविकासआघाडी मध्ये अंतर्गत धुसफूस सुरू असल्याची माहिती वारंवार समोर येत होती. तर विधानपरिषदेची निवडणूक पार पडल्यानंतर ही धुसफूस आता चव्हाट्यावर आलेली आहे. शिवसेना राष्ट्रवादी आणि काँग्रेस मधील काही फुटीरवाद्यांनी भाजपला मदत केल्यामुळे महाविकासआघाडीमध्ये दुफळी माजली आहे. त्यातूनच शिवसेनेतील नाराज गट नॉट रिचेबल राहून थेट गुजरातला पोहोचलेला आहे.
शिवसेनेच्या नाराज गटाने थेट काँग्रेस आणि राष्ट्रवादी सोबतची युती आम्हाला नको आहे, असे शिवसेना प्रमुख उद्धव ठाकरे यांना कळवल्याची माहिती समोर येत आहे. राज्यातील राजकीय वातावरण तापले असताना नेमकं राष्ट्रवादी काँग्रेस आणि काँग्रेसच्या गोटात काय चाललंय? हे देखील पहाणे महत्त्वाचा आहे.
राज्यातील राजकीय घडामोडी ने घेतलेला वेग पाहता राष्ट्रवादीचे नेते शरद पवार (sharad pawar) देखील अलर्ट मोडवर आहेत. त्यांनी राष्ट्रवादीचे प्रदेशाध्यक्ष जयंत पाटील (jayant patil) यांना फोनवरून संपर्क साधून राज्यातील घडामोडीची माहिती घेतली. आज सकाळी त्यांनी राष्ट्रपती निवडणुकीबाबत बैठक पार पाडून ते मुंबईकडे रवाना होणार आहेत. त्यानंतर एकूण परिस्थितीचा अंदाज घेऊन पुढील दिशा स्पष्ट करण्याची शक्यता आहे. तर राष्ट्रवादीच्या मंत्र्यांचे नियोजित दौरे रद्द करून मंत्र्यांना अलर्ट मोडवर राहण्याच्या सूचना राष्ट्रवादीकडून देण्यात आल्या आहेत.
या संपूर्ण घडामोडीचा सर्वात जास्त धोका तो काँग्रेसला आहे. विधान परिषद निवडणूक पार पडल्यानंतर काँग्रेसचे गटनेते असलेले व राज्याचे महसूल मंत्री बाळासाहेब थोरात हे गटनेते पदाचा राजीनामा देण्याच्या तयारीत आहेत. दरम्यान काँग्रेसने देखील सर्व आमदारांना मुंबईत बोलावले असून त्यांची बैठक सुरू असल्याची माहिती समोर येत आहे.
Archana Banage
Archana Bange, a seasoned journalist with four years of experience, has made a notable impact in the field of journalism. She pursued her journalism studies at Shivaji University, Kolhapur, and began her career at Daily Sakal. Currently, Archana is a valued member of the Dainik Tarun Bharat group, where she focuses on reporting local news from the districts of Kolhapur, Sangli, Satara, Sindhudurg, and Ratnagiri in Western Maharashtra. Her expertise extends to various topics, including politics, breaking news, food, lifestyle, tourism, blogs, health, web stories, and captivating human interest stories.
Add A Comment
