सातारा : राज्यपाल कोशयारी यांनी छत्रपती शिवाजी महाराज यांच्याविषयी केलेल्या वक्तव्यानंतर राज्यभर शिवसैनिक आक्रमक झाले आहेत. छत्रपती संभाजीराजे, छत्रपती उदयनराजे यांनी याबाबत नाराजी व्यक्त केली आहे. राज्य आणि केंद्र सरकारने कोश्यारी यांची राज्यपाल पदावरून हकालपट्टी करावी अशी मागणी केली आहे. तर केंद्रीय मंत्री रावसाहेब दानवे यांनी छत्रपती शिवाजी महाराज यांचा दोनदा एकेरी उल्लेख करून आणखी आगीत तेल ओतले आहे. यामुळे शिवसैनिक आणखी आक्रमक झाले आहेत. आधीपासून संतप्त असलेल्या उदयनराजे समर्थकांनी सातारा येथील शिवतीर्थ पोवाईनाका येथे रावसाहेब दानवे विरोधात रान पेटवले आहे.पोलिसांच्या विरोधाला झुगारून दानवेंच्या पुतळ्याचे पोलिसांसमोरच दहन केले.
उदयनराजेंच्या समर्थकांना प्रतिक्षा आहे ती फक्त उदयनराजेंच्या आदेशाची मात्र काही समर्थक मात्र आदेशाची वाट न पहाता आपला संताप व्यक्त करताना दिसत आहे.आज सातारा शहरा नजीक खिंडवाडी गावाच्या हद्दीत उदयनराजे समर्थकांकडून महामार्गावर मोठमोठे टायर पेटवून केंद्रीय मंत्री रावसाहेब दानवे,राज्यपाल कोशयारी आणि आमदार प्रसाद लाड यांच्या विरोधात घोषणाबाजी करून महामार्ग रोखला याबाबत शहर पोलीस व वाहतूक विभागास माहिती मिळताच ते तात्काळ घटनास्थळी दाखल झाले. पेटलेले टायर बाजूला करून महामार्गावरील थांबलेली वाहतूक पुन्हा सुरळीत केली.
Next Article प्रभावती यशवंत राऊळ यांचे सोमवारी सकाळी निधन
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.