प्रतिनिधी /काणकोण
खोतीगाव पंचायतीमध्ये मागच्या तीन वर्षांपासून बंद असलेल्या मोबाईल टॉवरच्या प्रत्यक्ष कामाला प्रारंभ झाला असून जिओ कंपनीने ही जबाबदारी स्वीकारली आहे. सध्या भूमिगत केबल टाकण्याच्या कामाला सुरुवात झाली असून सभापती रमेश तवडकर यांनी याकामी पुढाकार घेतला आहे. अवघ्याच दिवसांत या कामाला प्रारंभ झाल्यामुळे खोतीगावच्या नागरिकांनी समाधान व्यक्त केले आहे. सभापती तवडकर यांनी या कामाची नुकतीच पाहणी केली आणि कंपनीने काम सुरू केल्याबद्दल समाधान व्यक्त केले.