पणजी : दक्षिण गोव्यातील सहा वर्षीय मुलीवर लैंगिक अत्याचार केल्याप्रकरणी पणजी येथील बाल न्यायालयाने सहा वर्षांनी शिक्षा ठोठावली आहे. या प्रकरणातील आरोपीला 5 वर्षे कारावास आणि 2 लाख ऊपये दंड अशी शिक्षा बाल न्यायालयाचे अध्यक्ष सायोनारा लाड यांनी शुक्रवारी दिली आहे. आरोपीने 17 जून 2018 रोजी पीडित मुलगी घरी एकटी असताना तिच्यावर लैंगिक अत्याचार केला होता. पीडित मुलीच्या नातेवाईकांनी सांगे पोलीस स्थानकात तक्रार दाखल केली होती. तत्कालीन सांगे पोलीस उपनिरीक्षक मनोज मळीक यांनी तक्रारीची दखल घेऊन आरोपीच्या विरोधात भा.दं.सं.च्या कलम 448, बाल कायद्याचे कलम 8 आणि बाल लैंगिक शोषणविरोधी कायदा 2012 च्या (पॉक्सो) 7 कलमांतर्गत गुन्हा दाखल केला होता. त्यानंतर 48 वर्षीय आरोपीला अटक करण्यात आली होती. सांगे पोलिसांनी तपास पूर्ण करून आरोपीविरोधात बाल न्यायालयात आरोपपत्र दाखल केले. सबळ पुरावे असल्यामुळे न्यायालायने आरोपीला 3 मार्च रोजी दोषी ठरवले. त्यानंतर न्यायालयाने शुक्रवारी आरोपीला पाच वर्षांचा कारावास आणि 2 लाख ऊपये दंड, अशी शिक्षा ठोठावली आहे.
Previous Articleबी.कॉम पाचव्या सत्राचा पेपर फुटला
Next Article भाजपची चौथी यादी जाहीर, तरीही ठरेना दक्षिणचा उमेदवार
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.