ऑनलाईन टिम / मुंबई
राज्यामध्ये इंपिरीकल डेटा गोळा केला जात असून तो पुर्णपणे सदोष आहे, याचा ओबीसींच्या राजकारणावर गंभीर परिणाम होणार आहे. हे सरकार झोपले असून सरकारला जागे करण्यासाठी आमचे प्रयत्न चालू आहेत, असा आरोप राज्याचे विरोधी पक्षनेते देवेंद्र फडवणीस यांनी राज्य सरकारवर केला. मुंबईत ते पत्रकारपरिषदे दरम्यान बोलत होते.
राज्याचे विरोधी पक्षनेते देवेंद्र फडणवीस यांनी मुंबईत पत्रकार परिषद घेतली. या पत्रकार परिषदेत राज्यसरकारवर टिका करताना ” राज्यात इंपिरीकल डेटा गोळा करण्याचे काम चालू असले तरी ते पुर्णपणे सदोष आहे. इंपिरिकल डेटा गोळा करण्याची पद्धत, त्याचे सर्वेक्षण नमुने चुकीचे आहेत. यामुळे चुकीचा डेटा तयार होऊन तो ओबीसी राजकारणाला घातक ठरू शकतो. अशा चुकीच्या इंपिरीकल डेटामुळे राज्यात असंतोष निर्माण होऊ शकतो.” असे ते म्हणाले.
तसेच “हे राज्यसरकार झोपले आहे” असा आरोप करताना, राज्यसरकारने या इंपिरीकल डेटा तयार करण्याकडे लक्ष दिले पाहिजे असे देवेंद्र फडणवीस यांनी सांगितले