बेळगाव : धारवाड येथे झालेल्या कर्नाटक राज्य पदवीपुर्व महाविद्यालयीन अॅथलेटिक्स स्पर्धेत आरपीडी महाविद्यालयच्या विद्यार्थिनींनी उत्तम कामगिरी करीत यश संपादन केले.आरपीडी महाविद्यालयाच्या मुलींनी प्रथमच 4×100 मी रिलेमध्ये सुवर्णपदक मिळविले. त्यामध्ये वैभवी बुद्रुक, अपूर्वा नाईक, स्मिता काकतकर आणि आदिती गडकरी यांचा समावेश होता. याचबरोबर वैभवी बुद्रुक हिने 100 मी. व 200 मी. धावण्याच्या स्पर्धेत रौप्यपदक पटकाविले. अपूर्वा नाईक हिने 100 मी. अडथळा स्पर्धेत सुवर्णपदक व 200 मी. कास्यपदक मिळविले व स्मिता काकतकर हिने लांब उडी व तिहेरी उडीमध्ये रौप्यपदक पटकाविले. महाराष्ट्र येथील चंद्रपूर येथे होणाऱ्या एसजीएफआय राष्ट्रीय स्पर्धेसाठी निवड झाली आहे. त्यामध्ये हे सर्व खेळाडू कर्नाटक संघाचे प्रतिनिधित्व करणार आहेत. त्यांना प्राचार्या सुजाता बिजापुरे व महाविद्यालयाचे क्रीडा निर्देशक आनंद रत्नाप्पागोळ यांचे प्रोत्साहन लाभत आहे. तर अॅथलेटिक प्रशिक्षक ए.बी. शिंत्रे व क्रीडा शिक्षक उमेश बेळगुंदकर व सुरज पाटील यांचे मार्गदर्शन लाभत आहे.
Previous Articleबॅडमिंटन स्पर्धेत बीडीबीए बॅडमिंटनपटूंचे यश
Next Article खानापूर तालुक्यात वीट उत्पादनाला सुरुवात
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.