कुर्डुवाडी /प्रतिनिधी
सूचना देऊनही वारंवार कार्यालयात वेळेवर हजर न राहणाऱ्या तब्बल २३ लेट लतीफ कर्मचाऱ्यांवर एक दिवसाची विना वेतन कारवाई पंचायत समितीचे गटविकास अधिकारी डाॅ.संताजी पाटील यांनी केली. गुरूवारी दि.२५ रोजी सकाळी १० वा. अचानकपणे कार्यालयाचे हजेरी पुस्तक व फिरती नोंदवहीची पहाणी गटविकास अधिकारी डाॅ.संताजी पाटील यांनी केली .
त्यामध्ये बांधकाम विभागातील ७ कनिष्ठ अभियंते,१चालक, १परिचर,आय सी डी एस मधील ७ अंगणवाडी पर्यवेक्षक, जलसंधारण विभागातील १ वरिष्ठ व १ कनिष्ठ सहाय्यक,शिक्षण विभागातील १ कनिष्ठ सहाय्यक, आरोग्य विभागातील १ कनिष्ठ सहाय्यक,पंचायत समितीमधील २ कृषी अधिकारी व १ विस्तार अधिकारी अशा एकूण २३ जणांच्या स्वाक्षऱ्या नसल्याचे त्यांच्या निदर्शनास आले. पंचायत समिती कार्यालयात कार्यालयीन वेळेत उपस्थित राहण्याबाबत वारंवार सूचा देऊनही वेळेवर हजर न राहणे ही बा गैरवर्तणूक सदरात मोडणारी असून कार्यालयीन शिस्तीस बाधा आणणारी आहे.त्यामुळे महाराष्ट्र जिल्हा परिषद जिल्हा सेवा( शिस्त व अपील) १९६४ मधील कलम ४ मधील तरतूदीनुसार या २३ अधिकारी व कर्मचाऱ्यांची दि. २५ ची त्यांची विना वेतन करण्यात येत असल्याचे नोंद मुळ सेवापुस्तकात घेण्यात येणार आहे.