जिल्हाधिकारी मिलिंद शंभरकर यांची माहिती
तरुण भारत संवाद प्रतिनिधी / सोलापूर
सोलापूर शहर व जिल्ह्यासाठी 1318 रेमडीसिविर इंजेक्शन उपलब्ध झाले असून शहर जिल्ह्यातील कोविड केअर, मेडीकल यांना प्राधान्याने वितरीत करण्यात यावे अशा प्रकारचे आदेश जिल्हाधिकारी मिलिंद शंभरकर यांनी काढले आहेत. सोलापूर शहर जिल्ह्यात कोरोनाचा प्रभाव वाढत आहे. तर दुसरीकडे ऑक्सीजन, बेड आणि रेमडेसिवीरची कमतरता भासत आहे. त्यामुळे जिल्हा प्रशासन नियोजन करीत आहे. सोलापूर शहर आणि जिल्ह्यासाठी 1318 इंजेक्शन प्राप्त झाल्याची माहिती शंभरकर यांनी दिली आहे.
शहरात 567, बार्शी तालुकासाठी 156 दक्षिण सोलापूरसाठी 29 , पंढरपुरसाठी 210, सांगोला 58, मंगळवेढा 40, माळशिरस 146, करमाळा 33, माढा 8, अक्कलकोट चार, अशा एकूण 1318 रेमडेसिवीर इंजेक्शन उपलब्ध झाली आहेत. या इंजेक्शनचा उपयोग कोविड रुग्णालय व कोविड केअर सेंटरमधील रुग्णांसाठी करायचा आहे. या इंजेक्शनचे वितरण ठरल्याप्रमाणे करायचे आहे, यात कसली गडबड खपवून घेतली जाणार नसल्याचे शंभरकर यांनी सांगितले.