न्यूयॉर्कस्थित हिंडेनबर्ग रिसर्च ( Hindenberg Researh ) या संस्थेने गेल्या आठवड्यात आपल्या अहवालात अदानी उद्योग समूहामध्ये ( Adani Group ) अर्थिक अनियमीततेचा आरोप केला. त्यामुळे दोन दिवसातच गौतम आदानी ( Gautam Adani ) यांच्या शेअर्सने बाजारात जोरदार आपटी खाल्ली. त्यामुळे अदानी उद्योगसमूहाने आपली प्रतिक्रिया व्यक्त केली आहे. अदानी उद्योग समूहावर झालेला आरोप “भारतावर झालेला हल्ला असल्याचे त्यांनी म्हटले आहे. हिंडनबर्ग रिसर्च संस्थेला ‘मॅडऑफ्स ऑफ मॅनहट्टन’ असे संबोधून अदानी समुहाने हा अहवाल वाचून धक्का बसला असल्याचे म्हटले आहे. चुकीच्या माहितीच्या आधारे वाईट हेतूने केलेले नियोजनात्मक कार्यक्रम म्हणजे हिंडनबर्गचे दस्तऐवज असून अदानी ग्रुपला बदनाम करण्यासाठी ही चाल असल्याचे म्ह्टले आहे.
हिंडेनबर्ग संशोधन संस्थेच्या 106 पानांच्या अहवालाला अदानी समुहाने 413 पानांनी प्रत्युत्तर दिले आहे. ज्यात “शेअर्सच मॅनिप्युलेशन आणि अकाउंटिंग फसवणूक” असा आरोप करण्यात आला होता. त्यावर अदानी समूहाने “हा केवळ कोणत्याही विशिष्ट कंपनीवर केलेला आरोप नसून भारतावर झालेला आरोप आहे. तसेच भारतीय उद्योग संस्थांचे स्वातंत्र्य, अखंडता आणि गुणवत्ता तसेच भारताची वाढ आणि महत्त्वाकांक्षेवर घेतलेली शंका आहे.”
न्यूयॉर्क फर्मच्या अहवालामुळे अदानी समूहाला दोन दिवसामध्ये 50 बिलियन अमेरिकन डॉलरपेक्षा जास्त नुकसान झाले आहे. तर स्वता अदानी उद्योगसमुहाचे अध्यक्ष गौतम अदानी यांना 20 बिलियन अमेरिकन डॉलर्सपेक्षा जास्त नुकसान झालं आहे.
Previous Articleअल्पवयीन मुलांच्या टोळक्याकडून तरुणावर कोयत्याने वार
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.