बेळगाव : बेंगळूर जिल्हा फुटबॉल असोसिएशनच्यावतीने बेंगलोर येथे आयोजित बीडीएफए 17 वर्षांखालील अंतिम सामन्यात बेंगळूरच्या अलकेमी इंटरनॅशनलने बेळगावच्या बुफा युनायटेड संघाचा 1-0 असा निसटता पराभव करून अजिंक्यपद पटकावले. बीडीएफए फुटबॉल मैदानावर खेळविण्यात आलेल्या पहिल्या उपांत्य फेरीच्या सामन्यात बुफा बेळगावने डीवाईएस संघाचा 3-0 असा पराभव केला. बुफातर्फे रॅनलने दोन तर सुमितने एक गोल केला. दुसऱ्या उपांत्य फेरीच्या सामन्यात अलकेमी इंटरनॅशनल संघाने बेंगळूर युनायटेचा 1-0 असा पराभव केला. पी. रघूने एकमेव गोल केला. अंतिम सामन्यात अलकेमी इंटरनॅशनल संघ व बुफा युनायटेड बेळगाव यांच्यात झाला. पहिल्या सत्रात दोन्ही संघांना गोल करण्यात अपयश आले. दुसऱ्या सत्रात 82 व्या मिनिटाला अलकेमी संघाच्या रघुराजनने गोल करून 1-0 ची आघाडी मिळवून दिली. त्यानंतर बुफाने गोल करण्यासाठी अनेक प्रयत्न केले. पण त्यांना अपयश आले. शेवटी हा सामना अलकेमी इंटरनॅशनल संघाने 1-0 असा पराभव करत विजेतेपद पटकावले. बेळगावच्या बुफा संघाच्या जबरदस्त बचाव खेळीपुढे अलकेमी संघाने एकच विजयी गोल नोंदविला. 26 जानेवारी ते 3 फेब्रुवारी दरम्यान झालेल्या बाद फेरीच्या साखळी सामन्यात बुफा संघाने अखेरपर्यंत उत्कृष्ट कामगिरी बजावली. अंतिम सामन्यातील या संघाने निखराची झुंज दिली. सामन्यानंतर ऑल इंडिया फुटबॉल संघटनेचे उपाध्यक्ष व कर्नाटक फुटबॉल संघटनेचे अध्यक्ष एन. ए. हॅरीश, सचिव कुमार यांच्या हस्ते विजेत्या व उपविजेत्या संघाला चषक, प्रमाणपत्र व रोखरक्कम देऊन गौरविण्यात आले. या संघाला प्रशिक्षक मतीन इनामदार, हेमांशी कौर यांचे मार्गदर्शन लाभले.
Previous Articleकेएलएस-ठळकवाडी यांच्यात आज अंतिम लढत
Next Article के. आर. शेट्टी किंग्ज संघाकडे माळमारुती चषक
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.