बेळगाव : समर्थनगर येथे रस्ता, गटारी, पिण्याचे पाणी यासह इतर समस्या मोठ्या प्रमाणात आहेत. परंतु, या समस्यांकडे अद्याप कोणी लक्ष दिलेले नाही. त्यामुळे किमान आमदारांनी तरी लक्ष घालून या समस्या सोडवाव्यात, अशी मागणी समर्थ युवक मंडळाच्यावतीने बेळगाव उत्तरचे आमदार राजू सेठ यांच्याकडे निवेदनाद्वारे केली. समर्थनगर येथे लोकवस्ती वाढली असून पायाभूत सेवासुविधांची कमतरता पडत आहे. त्यामुळे आमदारांनी या परिसराची पाहणी करून माहिती घेण्याची मागणी युवक मंडळाच्या पदाधिकाऱ्यांनी केली. आपण आठ दिवसात समर्थनगर येथे भेट देऊन मागण्यांची पूर्तता करू, असे आश्वासन दिले. यावेळी शिवसेना उपजिल्हाप्रमुख बंडू केरवाडकर, प्रकाश राऊत, दीपक नगरकर, मनोज तानवडे, राम कटारे, सिद्धार्थ कम्मार, विनायक शिंदेसह कार्यकर्ते मोठ्या संख्येने उपस्थित होते.
Previous Articleबसरीकट्टी महालक्ष्मी देवीच्या यात्रेस आजपासून प्रारंभ
Next Article सापडलेले मंगळसूत्र केले परत
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.