वृत्तसंस्था/ नवी दिल्ली
येथे सुरू असलेल्या राष्ट्रीय नेमबाजी चॅम्पियनशिप स्पर्धेत पश्चिम बंगालचे नेमबाज मेहुली घोष आणि अभिनव शॉ यांनी 10 मी. एअर रायफल मिश्र सांघिक नेमबाजी प्रकारात सुवर्णपदक पटकाविले. तर हरियाणाच्या सरबज्योत सिंग आणि पालक यांनी एअर पिस्तुल मिश्र सांघिक नेमबाजी प्रकरात सुवर्णपदक मिळविले.
शनिवारी येथील कर्निसिंग नेमबाजी संकुलात झालेल्या मिश्र सांघिक 10 मी. एअर रायफल नेमबाजी प्रकारात मेहुली आणि शॉ यांनी कर्नाटकाच्या डी. सौराष्ट्री आणि तिलोत्तमा सेन यांचा 16-6 असा पराभव केला. त्याचप्रमाणे भोपाळमध्ये पिस्तुल नेमबाजी प्रकार घेतला जात आहेत. मिश्र सांघिक एअर पिस्तुल नेमबाजीत सरबज्योत आणि पालक यांनी राजस्थानच्या अंजली व अभिनव चौधरी यांचा 16-14 असा पराभव करत सुवर्णपदक पटकाविले.