बेळगाव: उद्या दि ४ डिसेंबर पासून बेळगाव सुवर्णसौध येथे कर्नाटक राज्य सरकारच्यावतीने हिवाळी अधिवेशन आयोजित करण्यात आले आहे. दरवर्षी प्रमाणे यंदाही याच्या विरोधात उद्या दिनांक 4.12.2023 रोजी महाराष्ट्र एकीकरण समितीच्या वतीने महामेळावा आयोजित करण्यात आला होता मात्र मेळावा होऊ नये या दृष्टिकोनातून बेळगाव शहर परिसरात 144 कलम लागू केलेले आहे आणि कायदा व सुव्यवस्थेचे कारण दाखवून मेळाव्याला परवानगी नाकारलेली आहे. आज मैदानाची पाहणी करण्यासाठी समितीचे नेते गेले असता त्यांना मेळाव्याला परवानगी नाकारल्याचे पत्र देण्यात आले आहे. याची दखल घेऊन आज दिनांक 3 12-2023 रोजी महाराष्ट्र एकीकरण समितीच्या पदाधिकाऱ्यांनी एक बैठक घेऊन शिनोळी येथे रास्ता रोको कार्यक्रम करण्याचे ठरवण्यात आले आहे. उद्या दिनांक 4 डिसेंबर 2023 रोजी सकाळी दहा वाजता बेळगाव खानापूर निपाणी व इतर भागातील कार्यकर्त्यांनी हिंडलगा येथील हुतात्मा स्मारकाजवळ जमावे असे आवाहन समितीने केले आहे हुतात्मा स्मारकाला वंदन करून सकाळी 11 वाजता रास्ता रोको कार्यक्रमाला शिनोली येथे सुरुवात करावयाची आहे या कार्यक्रमास महाराष्ट्र एकीकरण समितीच्या कार्यकर्त्यांनी पदाधिकाऱ्यांनी व नागरिकांनी मोठ्या संख्येने उपस्थित राहावे असे आवाहन हे महाराष्ट्र एकीकरण समितीने केले आहे.
Trending
- विदेशी महिलेला जंगलात चक्क साखळदंडाने बांधले
- … तो जबरदस्तीने घरात घुसू लागला अन्…
- वादळी पावसाचा राज्याला दणका
- सर्व आमदारांची कामे होतील
- ‘जुन्या इमारतीं’साठी विधेयक आणणार
- अल्पवयीन मुलीच्या खून प्रकरणी दोघा सिरियल किलरना जन्मठेप
- लोकसभेच्या धक्क्यातून सावरण्यासाठीच लोकप्रिय घोषणा; महापुरात तरी सापत्न वागणूक नको- सतेज पाटील
- पुराचा विळखा, स्थलांतर सुरू