बेळगाव : टिळकवाडी येथील सार्वजनिक शिक्षण खात्याच्यावतीने आयोजित केलेल्या जिल्हास्तरीय माध्यमिक मुला- मुलींच्या फुटबॉल स्पर्धेत संत मीराने सर्वोदय खानापूरचा तर सेंट पॉल्स बेळगाव संघाने सर्वोदय खानापूरचा पराभव करून विजेतेपद पटकाविले. सुभाषचंद्र बोस लेले मैदानावर घेण्यात आलेल्या मुलींच्या गटातील पहिल्या उपांत्य सामन्यात सर्वोदय स्कूल खानापूरने महावीर भगवान बेळगाव तालुक्याचा 1-0 असा पराभव केला. विजयी संघाच्या बेला फर्नांडीसने एक गोल केला. दुसऱ्या उपांत्य सामन्यात संत मीरा बेळगाव शहराने बैलहोंगल तालुक्याचा 3-0 असा पराभव केला. विजयी संघाच्या चैत्रा ऐमोजी 2 तर रेनिवार मालशोयने 1 गोल केला. अंतिम सामन्यात संत मीरा बेळगाव शहराने सर्वोदय स्कूल खानापूरचा 3-0 असा पराभव केला. विजयी संघाच्या चैत्रा ऐमोजी, रेनिवार मालशोय, खोबोरोज यांनी प्रत्येकी 1 गोल केला. बक्षीस वितरण टिळकवाडी पोलीस स्थानकाचे मंडल पोलीस निरीक्षक परशुराम पुजारी, जिल्हा शारीरिक शिक्षणधिकारी डी. एस. दिग्रज, आर. पी. वंटगुडी, विवेक पाटील, सी. आर. पाटील, बापू देसाई आदी मान्यवरांच्या हस्ते करण्यात आले.
Previous Article17 वर्षाच्या पलक गुलियाचा सुवर्णभेद
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.