अयोध्येत आज रामलल्लाच्या मूर्तीचा प्राण प्रतिष्ठा सोहळा पार पडला. यावेळी पंतप्रधान नरेंद्र मोदी यांच्या हस्ते विधीवत प्राण प्राण प्रतिष्ठा करण्यात आली.सोहळा संपन्न होताच मनसे अध्यक्ष राज ठाकरे यांनी प्रतिक्रिया दिली आहे. आज कारसेवकांचे आत्मे सुखावले असं राज ठाकरे यांनी म्हटले आहे.
राज ठाकरे यांनी एक्सवर पोस्ट करत आपल्या भावना व्यक्त केल्या आहेत. “आज कारसेवकांचे आत्मे सुखावले आणि ३२ वर्षांनी शरयू नदी हसली! जय श्रीराम!” अशी पोस्ट मराठी, हिंदी आणि इंग्रजी अशा तीन भाषांमध्ये केली आहे. सोबत रामलल्लांच्या मूर्तीची एक व्हिडीओ क्लीप देखील राज ठाकरे यांनी शेअर केली आहे.