प्रतिनिधी /बेळगाव
बॉक्साईट रोडवरील भारतनगर परिसरात गांजा विकणाऱया दोघा जणांना एपीएमसी पोलिसांनी अटक केली आहे. रविवारी ही कारवाई करण्यात आली असून त्यांच्याजवळून 1 किलो 400 ग्रॅम गांजा जप्त करण्यात आला आहे.
मार्केटचे एसीपी एस. आर. कट्टीमनी यांच्या मार्गदर्शनाखाली पोलीस निरीक्षक मंजुनाथ हिरेमठ, साहाय्यक पोलीस उपनिरीक्षक बी. के. मिटगार, एन. वाय. मैलाकी, एस. जी. कुगटोळ्ळी, व्ही. पी. बुधनावर, एस. एस. हलगीमनी, केंपण्णा दोडमनी, नामदेव लमाणी आदींचा समावेश असलेल्या पथकाने ही कारवाई केली आहे.
नितीन सुरेश मकवानी (वय 37) रा. बॉक्साईट रोड-आंबेडकरनगर, बेळगाव, नईम अब्बास खोजा (वय 28) मूळचा राहणार टिपू सुलताननगर, गोकाक, सध्या राहणार आसदखान सोसायटी अशी संशयितांची नावे आहेत. त्यांच्याजवळून 28 हजार रुपये किमतीचा 1 किलो 400
ग्रॅम गांजा, 800 रु. रोख रक्कम जप्त करण्यात आली आहे.