|Thursday, October 18, 2018
You are here: Home » Top News » गुगलकडून नवीन ऑपरेटिंग सिस्टिम लॉन्च

गुगलकडून नवीन ऑपरेटिंग सिस्टिम लॉन्च 

ऑनलाईन टीम / नवी दिल्ली :

अँड्रॉईडची नवी ऑपरेटिंग सिस्टिम गुगलकडून लॉन्च करण्यात आली आहे. ‘अँड्रॉईड पी’ असे या ऑपरेटिंग सिस्टिमचे नाव आहे. अँड्रॉईडच्या ऑपरेटिंग सिस्टिमला खाद्यपदार्थांची नावे दिली जातात. त्यानुसार नव्या सिस्टिमला पाय असे नाव देण्यात आले आहे. ही नवी सिस्टिम आजपासून उपलब्ध होईल. त्यामुळे या सिस्टिमला सपोर्ट करणारे फोन आज अपडेट होतील.

अँड्रॉईड पीमध्ये नवा इंटरफेस देण्यात आला आहे. याशिवाय या नव्या सिस्टिममध्ये अनेक नवीन फिचर्स देण्यात आले आहेत. यापैकी मशीन लर्निंग ऍल्गेरिदम हे फिचर सर्वात वैशिष्टय़पूर्ण आहे. यामुळे मोबाईलचा ब्राईटनेस आपोआप ऍडजस्ट होतो. मोबाईल फोन वापरकर्त्याच्या सवयीनुसार, त्याच्या प्राधान्यक्रमानुसार ब्राईटनेस आपोआप ऍडजस्ट केला जातो. याशिवाय फोनची बॅटरीदेखील ऍडजस्ट होते. युजरच्या सवयीनुसार सॉफ्टवेअरमध्ये ऍडजस्टमेंट करून त्यानुसार बॅटरी चार्ज करण्याची क्षमता नव्या सिस्टिममध्ये आहे. मोबाईल युजरच्या कृतीवरून पुढील टास्कसाठी सज्ज राहण्याची क्षमतादेखील अँड्रॉईड पीमध्ये आहे. त्यामुळे युजरने मोबाईलला हेडफोन कनेक्ट करताच त्याच्यासमोर प्लेलिस्ट ओपन होते. अँड्रॉईड पीला सपोर्ट करणाऱया गुगलच्या फोनवर आजपासून ही सिस्टिम उपलब्ध असेल. त्यामुळे गुगलचे फोन आजपासून अपडेट होतील. मात्र वन प्लस, सोनी, एमआय, ओप्पो आणि विवो कंपन्यांचे फोन वर्षाच्या अखेरपर्यंत अपडेट होतील.

Related posts: