|Wednesday, September 19, 2018
You are here: Home » आवृत्ती » रत्नागिरी » गणरायाच्या स्वागतासाठी जिल्हावासीय सज्ज

गणरायाच्या स्वागतासाठी जिल्हावासीय सज्ज 

जिल्हय़ात 1,65,357 घरगुती तर 110 सार्वजनिक गणरायाची होणार प्रतिष्ठापना

गणेशभक्तांची स्वागताच्या तयारीची जोरात लगबग

प्रतिनिधी /रत्नागिरी

कोकणवासीयांच्या लाडक्या बाप्पाचा उत्सव अवघ्या आठवडय़ावर येऊन ठेपला आहे. बाप्पांच्या आगमनासाठी जिल्हावासीय सज्ज झाले असून त्याच्या स्वागतासाठी जय्यत तयारी सुरू आहे. यावर्षी रत्नागिरी जिह्यात 1 लाख 65 हजार 357 ठिकाणी घरगुती आणि 110 सार्वजनिक गणरायांची प्रतिष्ठापना केली जाणार आहे.

सर्वांना एकत्र आणणाऱया या गणेशोत्सवाचे महत्व कोकणवासीयांसाठी अनन्यसाधारण आहे. गणेशोत्सवासाठी संपूर्ण जिह्यात उत्साहाचे वातावरण निर्माण झालेले आहे. या उत्सवाकरता परगावी, परजिल्ह्य़ात गेलेले चाकरमानी आवर्जून आपल्या गावाकडे, घराकडे परततात. गणरायाचे आगमन होताच सर्वत्र भक्तीमय वातावरण निर्माण होते. या उत्सवासाठी मुर्तीकारांची प्रचंड लगबग सुरू असून रंगकामाचा शेवटचा टप्पा सुरू झाला आहे. गणरायांच्या आगमनासाठी बाजारपेठांही सजल्या असून गणेशभक्तांमध्ये उत्साह संचारला आहे.

पोलीस दलाकडून मिळालेल्या आकडेवारीनुसार रत्नागिरी जिल्हय़ात यावर्षी तब्बल 1 लाख 65 हजार 357 घरगुती बाप्पा विराजमान होणार आहेत. तर जिल्हाभरात 110 सार्वजनिक गणेशोत्सव मंडळांकडून हा उत्सव साजरा केला जाणार आहे.

पोलीसस्थानकानुसार होणारी गणरायाची प्रतिष्ठापनाः

पोलीस स्थानके         घरगुती          खासगी

रत्नागिरी शहर          7,611             25

रत्नागिरी ग्रामीण       9437             01

जयगड                     2743              06

संगमेश्वर                 13543             01

राजापूर                   19900               6

नाटे                           7285             2

लांजा                      13,540              6

देवरूख                      12,243            7

सावर्डे                        10215             2

चिपळूण                     16,466           12

गुहागर                       14223              2

अलोरे                         5,650              3

खेड                            13,648           17

दापोली                          6139              9

मंगडणगड                     4,395              6

बाणकोट                          760              2

पूर्णगड                          5,675             2

दाभोळ                           1,874            1

 

 

Related posts: