ऑनलाईन टीम / काबुल :
अफगाणिस्तानातील कुंदुज शहरात हिंसाचार उसळला आहे. या हिंसाचारात आतापर्यंत 11 जणांचा मृत्यू झाला असून, 39 जण जखमी झाले आहेत. जखमींना उपचारासाठी रुग्णालयात दाखल करण्यात आले आहे. कुंदुज सार्वजनिक आरोग्य संचालनालयाचे प्रमुख एहसानुल्ला फजली यांनी ही माहिती दिली.
अफगाणिस्तानात तालिबानचे वर्चस्व वाढत आहे. अमेरिकी सैन्य मागे घेतल्यानंतर तालिबान अफगाणिस्तानात वेगाने आपले प्रस्थ वाढवत आहे. तालिबानने अफगाणिस्तानची दुसरी प्रांतीय राजधानी शेबर्गन शहरही ताब्यात घेतल्याचे वृत्त आहे. तालिबानने यापूर्वीच अफगाणिस्तानातील अनेक भागांचा ताबा घेतला आहे.