बेंगळूर/प्रतिनिधी
कर्नाटकातील कोडगू, म्हैसूर, दक्षिण कन्नड आणि हसन जिल्ह्यात कोरोना सकारात्मकतेचे प्रमाण अजूनही जास्त आहे. दरम्यान या चार जिल्ह्यांमध्ये कोरोना सकारात्मकतेचे प्रमाण ५ टक्क्यांहून अधिक आहे. राज्यात कोरोनाचे ९५ टक्के रुग्ण कोरोनामुक्त झाले आहेत. तर सकारात्मकता दर २.६२ टक्के आहे.
दरम्यान उत्तर प्रदेश व महाराष्ट्रानंतर कर्नाटक तिसर्या क्रमांकावर आहे, असे आरोग्यमंत्री डॉ. के. सुधाकर यांनी सांगितले. “आम्ही आतापर्यंत राज्यात ३,३६,७३,३९५ चाचण्या घेतल्या आहेत. तर राज्यात दररोज. १.५–१.७५ लाख चाचण्या घेण्यात येत आहेत,” असे मंत्री म्हणाले.
कोविडमुळे ११ जिल्ह्यांमध्ये मृत्यूची नोंद नाही. एकूण मृत्यू दरही कमी झाला आहे. डीआरडीओने तयार केलेले व डॉ. रेड्डी प्रयोगशाळांनी बनविलेले २ डीजी औषध वापरण्यास सुरक्षित आहे असे तज्ञांचे मत आहे. त्यामुळे सरकार हे खरेदी करण्याचा विचार करीत आहे. तिसऱ्या लाटाच्या आधी औषध खरेदी केले जाणार आहे “, असे ते म्हणाले.
“शिक्षण विभाग अध्यापन व शिक्षकेतर कर्मचार्यांना लस देण्यास आरोग्य विभाग सर्व प्रकारचे सहाय्य करत आहे. तज्ज्ञ समितीचे सदस्य यासाठी उपाय सुचवतील”, असे ते म्हणाले.