बेंगळूर/प्रतिनिधी
कर्नाटकात कोरोना रुग्णांची संख्या कमी जास्त होताना पहायला मिळत आहे. शनिवारी राज्यात कोरोनाचे ७,१८४ रुग्ण सापडले आहेत. नेहमीप्रमाणे बेंगळूरमध्ये सर्वधिक रुग्णांची नोंद झाली आहे.बेंगळूर जिल्ह्यात शनिवारी ३,३७१ रुग्णांची नोंद झाली. तर शनिवारी बरे होणाऱ्या रुग्णांची संख्या जास्त होती. राज्यात शनिवारी ८,८९३ रुग्णांनी कोरोनावर विजय मिळविला. शनिवारी राज्यात एकूण ७१ कोरोनाबाधित रुग्णांचा मृत्यू झाला. यापैकी १४ जण बेंगळूर मधील आहेत. राज्यात कोरोना संक्रमणामुळे आतापर्यंत १०,४२७ लोक मरण पावले आहेत.
शनिवारी कोरोनाची राज्यात एकूण सक्रिय प्रकरणे १,१०६४७ गेली आहे. दरम्यान राजधानी बेंगळूरमध्येही कोरोना रुग्णांची संख्या वाढत आहे. बेंगळूरमध्ये सक्रिय रुग्णांची संख्या ६४,७७० आहे. बेंगळूर शहरी जिल्ह्यात शनिवारी ४,२५१ रुग्ण घरी परतले आहेत. शहरातील कोरोना संसर्गामुळे आतापर्यंत ३,५०० रुग्णांचा मृत्यू झाला आहे.