बेंगळूर/प्रतिनिधी
कर्नाटकच्या वैद्यकीय, अभियांत्रिकी व दंत महाविद्यालयाच्या (COMEDK’s) अभियांत्रिकी अभ्यासक्रमासाठी पदवी प्रवेश परीक्षा (यूजीईटी 2020) चा निकाल आज जाहीर करण्यात आला आहे.
विद्यार्थी आपला निकाल comedk.org या संकेतस्थळावर तपासू शकतात. कर्नाटकस्थित महाविद्यालयांमध्ये पदवीधर अभियांत्रिकी आणि आर्किटेक्चर अभ्यासक्रमांच्या प्रवेशासाठी संगणक-आधारित परीक्षा १९ ऑगस्ट रोजी घेण्यात आली होती.
स्कोअर आणि युजीईटी रँक कार्डच्या आधारे विद्यार्थ्यांना बेंगळूर आधारित केंद्राच्या प्रवेश प्रक्रियेत भाग घ्यावा लागेल. ज्यामध्ये त्यांना त्यांच्या आवडी आणि गुणवत्तेच्या आधारे वेगवेगळ्या महाविद्यालयांमध्ये प्रवेश मिळेल. तसेच विद्यार्थी बेंगळूर येथे ऑफलाइन केंद्रीकृत प्रवेश प्रक्रियेत भाग घेतील.