उदगांव / वार्ताहर
उदगांव येथील कृष्णा नदी पात्रातून दोन दुर्मिळ हरणटोळ साप वाहुन जात असताना वाईल्ड लाईफ कझवेंशन अॅण्ड रेस्क्यू सोसायटीच्या कार्यकर्त्यांनी पकडून त्यास जीवदान दिले. त्यानंतर वनविभागाच्या उपस्थित या दुर्मिळ सापांना नैसर्गिक भागात सुरक्षित सोडण्यात आले.
उदगांव येथील कृष्णा नदीच्या पात्रात रेल्वे पुलाजवळ दोन हरणटोळ जातीचे साप वाहुन जात असल्याचे येथील नागरिकांनी वाइल्ड लाईफला दिली तत्काळ वाईल्ड लाईफ कझवेंशन अॅण्ड रेस्क्यू सोसायटीचे प्राणीमित्र शुभम रास्ते, अभिजित खामकर, श्रेयश धुमाळ, उबेद जमादार, साकिप मुजावर, शहारुख मुजावर यांनी नदीकाठी येऊन पोहत जावून या दुर्मिळ सापाना सुरक्षित पकडून जिवदान दिले. हरणटोळ हा साप दुर्मिळ असून तो निमविषरी आहे. त्यांचा रंग दाट हिरवा तर शरीराच्या लांबीपेक्षा जाडी खुप कमी असते.
डोके लांबट त्रिकोणी व टाकेदार डोळयाच्या बाहुल्या असुन हा घनदाट जंगलात आढळतो. वाईल्ड लाईफच्या पदाधिकारी व वन विभागाचे गजानन संकट यांनी या सांपाना नैसर्गिक वातावरणात सुरक्षित ठिकाणी सोडले.