ऑनलाईन टीम / वॉशिंग्टन :
कोरोना महामारीमुळे जगभरातील 50 कोटी लोक बेरोजगार झाले आहेत. आंतरराष्ट्रीय श्रम संस्थेच्या (ILO) च्या अहवालातून ही बाब समोर आली आहे.
ILO च्या अहवालात म्हटले आहे की, जगभरातील जवळपास 200 हून अधिक देशांना कोरोनाचा फटका बसला आहे. अनेक छोटे-मोठे उद्योगधंदे अडचणीत आले आहेत. त्यामुळे जगभरातील 50 कोटी लोकांना नोकरी गमावण्याची वेळ आली. विकसनशील देशातही आर्थिक संकटापेक्षा नोकरी जाण्याचे संकट मोठे आहे. विकसनशील देशातील कामगारांच्या उत्पन्नात 15 टक्के घट झाली आहे.
कोरोनामुळे अनेक देशांच्या आर्थिक, सामाजिक घटकांवर परिमाण झाला आहे. सर्वच देश कोरोनाशी दोन हात करून लढा देत आहेत. आर्थिक संकटाचा सामना करत असताना 2020 वर्षाच्या पहिल्या नऊ महिन्यांत जागतिक पातळीवर श्रमिकांचे उत्पन्न 10.7 टक्क्यांनी घसरून 3.5 लाख कोटी डॉलरवर आले आहे.