ऑनलाईन टीम / देहरादून :
उत्तराखंडात मागील 24 तासात 162 नव्या कोरोना रुग्णांची नोंद झाली. तर 04 जणांचा मृत्यू झाला. त्यामुळे राज्यातील कोरोनाबाधितांची एकूण संख्या 95 हजार 354 वर पोहचली आहे, अशी माहिती आरोग्य सचिव युगल किशोर पंत यांनी दिली.
मिळालेल्या माहितीनुसार, काल 10,637 रिपोर्ट निगेटिव्ह आले. काल आढळलेल्या 162 रुग्णांमध्ये अलमोरा जिल्ह्यात 4, बागेश्र्वर 1, चमोली 02, चंपावत 01, देहरादून 67, हरिद्वार 21, नैनिताल 54 पौरी गरवाल 0, पिथोरगड 3, रुद्र प्रयाग 01, तेहरी गरवाल 02, यू एस नगरमधील 04 आणि उत्तर काशीमधील दोघांचा समावेश आहे.
- 1,876 रुग्णांवर उपचार सुरु
दिलासादायक बाब म्हणजे काल 283 जणांना डिस्चार्ज देण्यात आला तर आतापर्यंत प्रदेशात 90,547 रुग्णांची प्रकृती सुधारली असून त्यांना घरी सोडण्यात आले आहे. रुग्ण बरे होण्याचे प्रमाण 94.96 टक्के इतके आहे. तर सध्या 1 हजार 876 रुग्णांवर विविध रुग्णालयात उपचार सुरू आहेत, तर आतापर्यंत 1,626 (1.71%) रुग्णांचा मृत्यू झाला आहे, असे पंत यांनी यावेळी स्पष्ट केले.