प्रतिनिधी/मुंबई
राज्यात कोरोनाचा विळखा काही केल्या कमी होताना दिसत नाही. दिवसेंदिवस कोरोना बाधितांच्या संख्येत वाढच होत आहे. यामुळे राज्याच्या चिंतेत आता वाढ झाली आहे. आत्तापर्यंत आणखी ८२ रुग्ण कोरोना पॉझिटिव्ह आढळले आहेत. त्यामुळे महाराष्ट्रातल्या कोरोनाग्रस्तांची संख्या २ हजार ६४ इतकी झाली आहे. महाराष्ट्र सरकारच्या आरोग्य विभागाने ही माहिती दिली आहे.
महाराष्ट्रात कोरोनाचे सर्वाधिक रुग्ण मुंबईत तर देशात सर्वाधिक रुग्ण हे महाराष्ट्रात आहेत. ८२ कोरोना बाधितांपैकी ५९ रुग्ण मुंबईतले आहेत. महाराष्ट्रात लॉकडाउनही ३० एप्रिलपर्यंत वाढवण्यात आला असला तरी नागरिकांकडून काळजी घेतली जात नसल्याने कोरोना बाधिताच्या संख्येत वाढच होत आहे. महाराष्ट्रात रेड,ऑरेंज आणि ग्रीन झोनही आखण्यात आले आले आहेत.