प्रतिनिधी / कोल्हापूर
कोल्हापुरात कोरोना बाधित रुग्णांच्या संख्येत दिवसेंदिवस झपाट्याने वाढ सुरू आहे. आज दुपारी २ वाजेपर्यंत १४ रुग्णांचे अहवाल पॉझिटिव्ह आले आहेत. त्यामुळे कोरोना बाधितांची संख्या २७५ वर पोहोचलीय.
आज सकाळी दहा पर्यंत २ रुग्णांची भर पडली होती. त्यानंतर दुपारपर्यंत आणखी १२ रुग्ण वाढले. दिवसभरात पॉझिटिव्ह आलेल्या रुग्णांपैकी ७ जण गारगोटी येथील असून दोघेजण आजरा तालुक्यातील आहेत. आतापर्यंत १४ जण कोरोनामुक्त झाले असून दोघांचा मृत्यू झाला आहे.