आमदार कोरेंनी जिल्हा बँक अध्यक्ष निवडीची बैठक अर्ध्यावर सोडली
प्रतिनिधी / कोल्हापूर
कोल्हापूर जिल्हा बँकेसाठी अध्यक्षनिवड आज होणार आहे. त्यासाठी कोल्हापुरातील शासकीय विश्रामगृहावर बैठकीला सुरुवात झाली आहे. ग्रामविकासमंत्री हसन मुश्रीफ, पालकमंत्री सतेज पाटील, आरोग्यराज्यमंत्री राजेंद्र पाटील-यड्रावकर, नूतन संचालक माजी खासदार निवेदिता माने यांच्यासह आमदार आणि अन्य संचालक या बैठकीला उपस्थित आहेत. अध्यक्षपदाच्या निवडीसाठी ही बैठक सुरु असतानाच आमदार विनय कोरे बैठक अर्ध्यावर सोडून बाहेर आले.
दरम्यान आमदार कोरे बैठकीतून बाहेर पडल्यानंतर माध्यम प्रतिनिधींनी अध्यक्ष-उपाध्यक्ष निवडीबाबत त्यांची प्रतिक्रिया जाणून घेण्याचा प्रयत्न केला. अध्यक्षपदासाठी सामंजस्यपणाने चर्चा झाली आहे. अध्यक्ष-उपाध्यक्ष कोण होणार हे त्यांनाच विचारा, असे म्हणत आमदार विनय कोरे यांनी बैठकीतून माघार घेतली आहे. आमदार कोरे बैठक अर्ध्यावरच सोडून गेल्याने ते नाराज झाल्याची चर्चा आहे.