वारणानगर / प्रतिनिधी
गिरोली (ता.पन्हाळा) गावचे हद्दीतील गुंडलकी शेताशेजारील वनविभागाचे हद्दीत एक अनोळखी बेवारस अंदाजे (वय ४०) पुरुष जातीचा मृतदेह सापडला. या घटनेची नोंद कोडोली पोलिसात झाली असून या बाबतची वर्दी गिरोलीचे पोलीस पाटील मोहन उत्तम कदम यांनी कोडोली पोलीस ठाण्यात दिली.
या बाबत पोलिसांकडून मिळालेली माहिती अशी, गुरुवार ता.३ रोजी दुपारी साडेतीन वाजता गिरोली ते केखले जाणारे रोडवरील गिरोली गावचे हद्दीतील गुंडलकी शेताशेजारील वनविभागाचे हद्दीत सडलेल्या अवस्थेत व गावठी कुत्र्यांनी लचके तोडलेल्या अवस्थेत मृतदेह असल्याचे काही नागरिकांच्या निदर्शनास आले. ही गोष्ट पोलीस पाटलांना समजताच त्यांनी पोलिसांना या बाबत माहिती दिली. पुढील तपास पोलीस कॉन्स्टेबल संकपाळ करीत आहेत.