59 ग्रा. पं.चा समावेश : मुतगा, हंदिगनूर, कंग्राळी खुर्द, येळ्ळूर, हिंडलगा, हलगासह इतर ग्रा.पं.वर सामान्यपदाचे आरक्षण
प्रतिनिधी / बेळगाव
बेळगाव तालुक्मयातील ग्राम पंचायतींचे आरक्षण गुरुवार दि. 21 रोजी जाहीर झाले. तालुक्मयातील 59 ग्राम पंचायतींचे अध्यक्ष व उपाध्यक्षपदाचे आरक्षण जाहीर करण्यात आले असून यावेळीही अनेक ठिकाणी महिलाराजच स्थापन होणार हे पुन्हा एकदा या आरक्षणाने दाखवून दिले आहे. अध्यक्षपदासाठी एकूण 30 ग्रामपंचायतींमध्ये महिलांना आरक्षण देण्यात आले आहे. उपाध्यक्षपदासाठीही 30 महिलांना आरक्षण देण्यात आले आहे. त्यामुळे पुन्हा एकदा महिलांचेच वर्चस्व ग्राम पंचायतींवर राहणार आहे.
बेळगाव तालुक्मयातील मुतगा, हंदिगनूर, बंबरगा, अष्टे, हिंडलगा, हलगा, येळ्ळूर, सुळेभावी, तुम्मरगुद्दी, संतिबस्तवाड, कंग्राळी खुर्द, बिजगर्णी, बेळवट्टी, धरनट्टी आणि मार्कंडेयनगर या ग्राम पंचायतींना सामान्य आरक्षण देण्यात आल्यामुळे या ठिकाणी मोठी चुरस आहे. आता अध्यक्षपदासाठीही मोर्चेबांधणी सुरू झाली असून अनेकांना आपल्याकडे वळविण्यासाठी प्रयत्न सुरू झाले आहेत.
आरक्षण कसे निघणार याबाबत वेगवेगळे अंदाज वर्तविले जात होते. मात्र, बेंगळूरवरूनच थेट आरक्षणाची यादी तयार करून पाठविण्यात आली.
त्यानंतर ती यादी या ठिकाणी जिल्हाधिकारी एम. जी. हिरेमठ आणि इतर अधिकाऱयांनी वाचून दाखविली. गांधी भवन येथे हे आरक्षण जाहीर झाले. आरक्षण ऐकण्यासाठी बहुसंख्य ग्राम पंचायतींच्या सदस्यांनी गर्दी केली होती. गर्दी होणार असल्यामुळे या परिसरात कडेकोट पोलीस बंदोबस्तही ठेवण्यात आला होता.
आरक्षण जाहीर झाल्यानंतर काही जणांचा हिरमोड झाला आहे तर काही जण आतापासूनच अध्यक्ष होण्यासाठी मोर्चेबांधणी करताना दिसत आहेत. बेळगाव तालुक्मयात बहुसंख्य ग्राम पंचायतींवर मराठी भाषिक आणि म. ए. समितीचेच वर्चस्व आहे. तरीदेखील काही ठिकाणी राष्ट्रीय पक्ष हस्तक्षेप करण्याची शक्मयता व्यक्त होत आहे.
म. ए. समितीच्या उमेदवारीवर अनेक जण विजयी झाले आहेत. त्यामुळे ते एकनि÷ राहणार हे निश्चित आहे. असे असले तरी म. ए. समितीने गाफील न राहता एकनि÷ असलेल्या तसेच राष्ट्रीय पक्षांच्या संपर्कात नसलेल्या व्यक्तींनाच अध्यक्ष व उपाध्यक्षपदासाठी निवड करावी, अशी सर्वसामान्य जनतेतून मागणी होत आहे.
तालुक्मयातील ग्राम पंचायतनिहाय अध्यक्ष व उपाध्यक्षपदाचे जाहीर करण्यात आलेले आरक्षण
ग्राम पंचायतीचे नाव | अध्यक्षपदाचे आरक्षण | उपाध्यक्षपदाचे आरक्षण |
---|---|---|
उचगाव | मागासवर्गीय-अ | सामान्य महिला |
मारिहाळ | मागासवर्गीय-अ | मागासवर्गीय-ब |
मच्छे | मागासवर्गीय-अ | सामान्य महिला |
काकती | मागासवर्गीय-अ | सामान्य महिला |
होनगा | मागासवर्गी-अ | सामान्य महिला |
मुत्नाळ | मागासवर्गीय-अ | अनुसूचित जाती |
करडीगुद्दी | मागासवर्गीय-अ | अनुसूचित जाती महिला |
किणये | मागासवर्गीय-अ महिला | सामान्य |
मुचंडी | मागासवर्गीय-अ महिला | सामान्य |
पिरनवाडी | मागासवर्गीय-अ महिला | अनुसूचित जमाती |
धामणे (एस.) | मागासवर्गीय-अ महिला | अनुसूचित जाती |
बाळेकुंद्री खुर्द | मागासवर्गीय-अ महिला | सामान्य महिला |
तारिहाळ | मागासवर्गीय-अ महिला | सामान्य महिला |
आंबेवाडी | मागासवर्गीय-ब | अनुसूचित जमाती महिला |
सांबरा | मागासवर्गीय-ब महिला | मागासवर्गीय-अ महिला |
बेनकनहळ्ळी | मागासवर्गीय-ब महिला | अनुसूचित जाती |
येळ्ळूर | सामान्य | मागासवर्गीय-ब महिला |
मुतगा | सामान्य | अनुसूचित जाती महिला |
हंदिगनूर | सामान्य | सामान्य महिला |
बंबरगा | सामान्य | मागासवर्गीय-अ महिला |
अष्टे | सामान्य | सामान्य महिला |
हिंडलगा | सामान्य | अनुसूचित जमाती महिला |
हलगा | सामान्य | मागासवर्गीय-अ महिला |
सुळेभावी | सामान्य | अनुसूचित जाती महिला |
तुम्मरगुद्दी | सामान्य | सामान्य |
संतिबस्तवाड | सामान्य | सामान्य महिला |
कंग्राळी खुर्द | सामान्य | सामान्य महिला |
बिजगर्णी | सामान्य | मागासवर्गीय-ब महिला |
बेळवट्टी | सामान्य | अनुसूचित जमाती महिला |
धरनट्टी | सामान्य | सामान्य |
मार्कंडेयनगर | सामान्य | अनुसूचित जाती महिला |
कडोली | सामान्य महिला | मागासवर्गीय-अ महिला |
बागेवाडी | सामान्य महिला | मागासवर्गीय-अ महिला |
सुळगा (उ.) | सामान्य महिला | खसामान्य |
अंकलगी | सामान्य महिला | सामान्य |
न्यू वंटमुरी | सामान्य महिला | सामान्य |
कंग्राळी बुद्रुक | सामान्य महिला | सामान्य |
हुदली | सामान्य महिला | मागासवर्गीय-अ |
मास्तमर्डी | सामान्य महिला | मागासवर्गीय-अ |
तुरमुरी | सामान्य महिला | सामान्य |
बाळेकुंद्री बुद्रुक | सामान्य महिला | मागासवर्गीय-अ |
मंडोळी | सामान्य महिला | अनुसूचित जमाती |
बडस खुर्द | सामान्य महिला | मागासवर्गीय-अ |
खनिलजी | सामान्य महिला | अनुसूचित जमाती |
नंदिहळ्ळी | सामान्य महिला | सामान्य |
बेळगुंदी | सामान्य महिला | मागासवर्गीय-अ |
केदनूर | अनुसूचित जाती | सामान्य महिला |
के. के. कोप्प | अनुसूचित जाती | सामान्य महिला |
अरळीकट्टी | अनुसूचित जाती महिला | मागासवर्गीय-अ |
बेकिनकेरे | अनुसूचित जाती महिला | मागासवर्गीय-अ |
कुकडोळी | अनुसूचित जाती महिला | सामान्य |
बस्तवाड | अनुसूचित जमाती | सामान्य महिला |
देसूर | अनुसूचित जमाती | मागासवर्गीय-अ महिला |
मोदगा | अनुसूचित जमाती | सामान्य महिला |
कलखांब | अनुसूचित जमाती | सामान्य महिला |
कुदेमनी | अनुसूचित जमाती महिला | सामान्य |
अगसगे | अनुसूचित जमाती महिला | सामान्य |
भेंडीगेरी | अनुसूचित जमाती महिला | सामान्य |
सुळगा (ये.) | अनुसूचित जमाती महिला | सामान्य |
मच्छे, पिरनवाडीचेही आरक्षण जाहीर मच्छे, पिरनवाडी ग्राम पंचायतींचा समावेश नगर पंचायतीमध्ये होणार आहे. याबाबत नोटिफिकेशनदेखील जारी करण्यात आले आहे. तरीदेखील नुकत्याच जाहीर झालेल्या ग्राम पंचायत अध्यक्ष व उपाध्यक्ष निवडणुकीचे आरक्षणही जारी करण्यात आले. मात्र, याबाबत विचारले असता अजून संपूर्ण प्रक्रिया पूर्ण झाली नाही. त्यामुळे तसे आरक्षण जाहीर करावे लागते, असे तहसीलदार आर. के. कुलकर्णी यांनी सांगितले.