तालुक्यातील 59 ग्रा. पं.चा समावेश, आरक्षण पाहण्यासाठी उसळली होती गर्दी : मुतगा, हंदिगनूर, कंग्राळी खुर्द, येळ्ळूर, हिंडलगा, हलगासह इतर ग्रा.पं.वर सामान्यपदाचे आरक्षण
प्रतिनिधी / बेळगाव
बेळगाव तालुक्यातील ग्राम पंचायतींचे आरक्षण गुरूवार दि. 21 रोजी जाहीर झाले. तालुक्यातील 59 ग्राम पंचायतीचे अध्यक्ष व उपाध्यक्ष पदाचे आरक्षण जाहीर करण्यात आले असून यावेळीही अनेक ठिकाणी महिला राज्यच स्थापन होणार हे पुन्हा एकदा या आरक्षणाने दाखवून दिले आहे. अध्यक्षपदासाठी एकूण 30 ग्राम पंचायतींमध्ये महिलांना आरक्षण देण्यात आले आहे तर उपाध्यक्षपदासाठीही 30 महिलांना आरक्षण देण्यात आले आहे. त्यामुळे पुन्हा एकदा महिलांचेच वर्चस्व ग्राम पंचायतींवर राहणार आहे.
बेळगाव तालुक्मयातील मुतगा, हंदिगनूर, बंबरगा, अष्टे, हिंडलगा, हलगा, येळ्ळूर, सुळेभांवी, तुम्मरगुद्दी, संतीबस्तवाड, कंग्राळी खुर्द, बिजगर्णी, बेळवट्टी, धर्नट्टी आणि मार्कंडेय या ग्राम पंचायतींना सामान्य आरक्षण देण्यात आल्यामुळे याठिकाणी मोठी चुरस होणार आहे. आता अध्यक्षपदासाठीही मोर्चेबांधणी सुरू झाली असून अनेकांना आपल्याकडे वळविण्यासाठी प्रयत्न सुरू झाले आहेत.
आरक्षण कसे निघणार याबाबत वेगवेगळे अंदाज वर्तविले जात होते. मात्र बेंगळूरवरुनच थेट आरक्षणाची यादी तयार करुन पाठविण्यात आली. त्यानंतर ती यादी या ठिकाणी जिल्हाधिकारी एम. जी. हिरेमठ आणि इतर अधिकाऱयांनी वाचून दाखविली. गांधीभवन येथे हे आरक्षण जाहीर झाले. आरक्षण ऐकण्यासाठी बहुसंख्य ग्राम पंचायतीच्या सदस्यांनी गर्दी केली होती. गर्दी होणार असल्यामुळे या परिसरात कडेकोट पोलीस बदोबस्तही ठेवण्यात आला होता.
आरक्षण जाहीर झाल्यानंतर काही जणांचा हिरमोड झाला आहे तर काही जण आतापासूनच अध्यक्ष होण्यासाठी मोर्चेबांधणी करताना दिसत आहेत. बेळगाव तालुक्मयात बहुसंख्य ग्राम पंचायतींवर मराठी भाषिक आणि म. ए. समितीचेच वर्चस्व आहे. तरी देखील काही ठिकाणी राष्ट्रीय पक्ष हस्तक्षेप करण्याची शक्मयता व्यक्त होत आहे.
म. ए. समितीच्या उमेदवारीवर अनेक जण विजयी झाले आहेत. त्यामुळे ते एकनि÷ राहणार हे निश्चित आहे. असे असले तरी म. ए. समितीने गाफील न राहता एकनिष्ठ असलेल्या तसेच राष्ट्रीय पक्षाच्या संपर्कात नसलेल्या व्यक्तींनाच अध्यक्ष व उपाध्यक्षपदासाठी निवड करावी, अशी सर्व सामान्य जनतेतून मागणी होत आहे.
मच्छे, पिरनवाडीचेही आरक्षण जाहीर
मच्छे, पिरनवाडी ग्राम पंचायतीचा समावेश नगरपंचायतीमध्ये होणार आहे. याबाबत नोटिफीकेशन देखील जारी करण्यात आली आहे. तरी देखील नुकत्याच जाहीर झालेल्या ग्राम पंचायत अध्यक्ष व उपाध्यक्ष निवडणुकीचे आरक्षणही जारी करण्यात आले. मात्र याबाबत विचारले असता अजून संपूर्ण प्रक्रिया पूर्ण झाली नाही. त्यामुळे तसे आरक्षण जाहीर करावे लागते, असे तहसीलदार आर. के. कुलकर्णी यांनी सांगितले.
बिजगर्णी, बेळवट्टी ग्राम पंचायतीचेही आरक्षण जाहीर
बिजगर्णी व बेळवट्टी ग्राम पंचायतीची निवडणूक झाली नाही. मात्र या ग्राम पंचायतीचे आरक्षण आताच जाहीर करण्यात आले आहे. मुदत संपल्यानंतर या दोन्ही ग्राम पंचायतीच्या निवडणूका होणार आहेत. त्यानंतर हे आरक्षण कायम असणार आहे. बिजगर्णी ग्राम पंचायतीच्या अध्यक्षपदासाठी सामान्य व उपाध्यक्ष पदासाठी मागासवर्गी ब तर बेळवट्टी अध्यक्षपदासाठी सामान्य तर उपाध्यक्षपदासाठी अनुसुचित जमाती महिला आरक्षण आता जाहीर झाले आहे.
तालुक्यातील ग्राम पंचायत निहाय अध्यक्ष व उपाध्यक्ष पदाचे जाहीर करण्यात आलेले आरक्षण
ग्राम पंचायतीचे नाव | अध्यक्षपदाचे आरक्षण | उपाध्यक्षपदाचे आरक्षण |
उचगाव | मागासवर्गीय-अ | सामान्य महिला |
मारिहाळ | मागासवर्गी-अ | मागासवर्गीय-ब |
मच्छे | मागासवर्गीय-अ | सामान्य महिला |
काकती | मागासवर्गीय-अ | समान्य महिला |
होनगा | मागासवर्गी-अ | सामान्य महिला |
मुत्नाळ | मागासवर्गीय-अ | अनुसुचित जाती |
करडीगुद्दी | मागासवर्गीय-अ | अनुसुचित जाती महिला |
किणये | मागासवर्गी-अ महिला | सामान्य |
मुचंडी | मागासवर्गी-अ महिला | सामान्य |
पिरनवाडी | मागासवर्गी-अ महिला | अनुसुचित जमाती |
धामणे-एस | मागासवर्गीय-अ महिला | अनुसुचित जाती |
बाळेकुंद्री खुर्द | मागासवर्गीय-अ महिला | सामान्य महिला |
तारिहाळ | मागासवर्गी-अ महिला | सामान्य महिला |
आंबेवाडी | मागासवर्गीय-ब | अनुसुचित जमाती महिला |
सांबरा | मागासवर्गीय-ब-महिला | मागासवर्गीय-अ- महिला |
बेनकनहळ्ळी | मागासवर्गीय-ब-महिला | अनुसुचित जाती |
येळ्ळूर | सामान्य | मागासवर्गीय-ब-महिला |
मुतगा | सामान्य | अनुसुचित जाती महिला |
हंदिगनूर | सामान्य | सामान्य महिला |
बंबरगा | सामान्य | मागासवर्गीय-अ- महिला |
अष्टे | सामान्य | सामान्य महिला |
हिंडलगा | सामान्य | अनुसुचित जमाती महिला |
हलगा | सामान्य | मागासवर्गीय-अ-महिला |
सुळेभांवी | सामान्य | अनुसुचित जाती महिला |
तुम्मरगुद्दी | सामान्य | सामान्य |
संतीबस्तवाड | सामान्य | सामान्य महिला |
कंग्राळी खुर्द | सामान्य | सामान्य महिला |
बिजगर्णी | सामान्य | मागासवर्गीय-ब-महिला |
बेळवट्टी | सामान्य | अनुसुचित जमाती महिला |
धर्नट्टी | सामान्य | सामान्य |
मार्कंडेयनगर | सामान्य | अनुसुचित जाती महिला |
कडोली | सामान्य महिला | मागासवर्गीय-अ-महिला |
बागेवाडी | सामान्य महिला | मागासवर्गीय-अ-महिला |
सुळगा (उ) | सामान्य महिला | खसामान्य |
अंकलगी | सामान्य महिला | सामान्य |
न्युवंटमुरी | सामान्य महिला | सामान्य |
कंग्राळी बुद्रुक | सामान्य महिला | सामान्य |
हुदली | सामान्य महिला | मागासवर्गीय-अ |
मास्तमर्डी | सामान्य महिला | मागासवर्गीय-अ |
तुरमुरी | सामान्य महिला | सामान्य |
बाळेकुंद्री बुद्रुक | सामान्य महिला | मागासवर्गीय-अ |
मंडोळी | सामान्य महिला | अनुसुचित जमाती |
बडस खुर्द | सामान्य महिला | मागासवर्गी-अ |
खनिलजी | सामान्य महिला | अनुसुचित जमाती |
नंदिहळ्ळी | सामान्य महिला | सामान्य |
बेळगुंदी | सामान्य महिला | मागासवर्गी-अ |
केदनूर | अनुसुचित जाती | सामान्य महिला |
के. के. कोप्प | अनुसुचित जाती | सामान्य महिला |
अरळीकट्टी | अनुसुचित जाती महिला | मागासवर्गीय-अ |
बेकिनकेरे | अनुसुचित जाती महिला | मागासवर्गीय-अ |
कुकडोळी | अनुसुचित जाती महिला | सामान्य |
बस्तवाड | अनुसुचित जमाती | सामान्य महिला |
देसूर | अनुसुचित जमाती | मागासवर्गीय अ महिला |
मोदगा | अनुसुचित जमाती | सामान्य महिला |
कलखांब | अनुसुचित जमाती | सामान्य महिला |
कुदेमानी | अनुसुचित जमाती महिला | सामान्य |
अगसगे | अनुसुचित जमाती महिला | सामान्य |
भेंडीगेरी | अनुसुचित जमाती महिला | सामान्य |
सुळगा (ये) | अनुसुचित जमाती महिला | सामान्य |