खडेबाजार पोलिसांची कारवाई
प्रतिनिधी /बेळगाव
नवरात्रोत्सवानिमित्त घराची झाडलोट करण्यासाठी आलेल्या एका महिलेने तिजोरीतील 31 ग्रॅम वजनाचे मंगळसूत्र पळविल्याची घटना शास्रीनगर, पाचवा क्रॉस येथे घडली आहे. या प्रकरणी खडेबाजार पोलिसांनी एका महिलेला अटक केली आहे.
सुनिता वसंत मंजलकर (वय 28, रा. मारुतीनगर) असे अटक करण्यात आलेल्या माहिलेचे नाव आहे. खडेबाजारचे पोलीस निरीक्षक धिरज शिंदे व त्यांच्या सहकाऱयांनी ही कारवाई केली आहे. सुनिताने दोन दिवसांपूर्वी शास्त्राrनगर येथे चोरलेले मंगळसूत्र पोलिसांनी जप्त केले आहे.
13 ऑक्टोबर रोजी ही घटना घडली आहे. अनुराधा अमित राच यांनी खडेबाजार पोलीस स्थानकात फिर्याद दिली आहे. सुनिता ही महिला झाडलोट करण्यासाठी म्हणून आली होती. घर मालकांची नजर चुकवून तिने तिजोरीतील मंगळसूत्र चोरले होते. घरी जाताना उद्या आपण येणार नाही, असे सांगुन गेली होती.
14 ऑक्टोबर रोजी चोरीचा हा प्रकार उघडकीस आला. कपाटात ठेवलेले मंगळसूत्र गायब झाल्याचे पाहून सीसीटीव्हीचे फुटेज तपासण्यात आले. त्यावेळी चोरीचा प्रकार उघडकीस आला. खडेबाजार पोलीस स्थानकात फिर्याद दाखल करण्यात आली. पोलिसांनी महिलेला अटक केली आहे.