- मागील 24 तासात 4,787 नवे रुग्ण; 40 मृत्यू
ऑनलाईन टीम / मुंबई :
महाराष्ट्रात मागील 24 तासात 4,787 नवीन कोरोनाबाधित रुग्णांची नोंद झाली असून 40 जणांचा मृत्यू झाला आहे. त्यामुळे राज्यातील एकूण कोरोना बाधितांची संख्या 20 लाख 76 हजार 093 वर पोहचली आहे. तर मृतांचा एकूण आकडा 51 हजार 631 एवढा आहे.
कालच्या एका दिवसात 3,853 रुग्ण कोरोनामुक्त झाले आहेत. तर राज्यात आतापर्यंत 19 लाख 85 हजार 261 रुग्ण कोरोनामुक्त झाले असून, त्यांना डिस्चार्ज देण्यात आला आहे. रुग्ण बरे होण्याचे प्रमाण 95.62 % आहे. सद्य स्थितीत राज्यात 38 हजार 013 रुग्ण उपचार घेत आहेत.
प्रयोगशाळेत आतापर्यंत तपासणीसाठी पाठविण्यात आलेल्या 1 कोटी 54 लाख 55 हजार 268 नमुन्यांपैकी 20 लाख 76 हजार 093 (13.43 %) रुग्णांचे रिपोर्ट पॉझिटिव्ह आले आहेत. सध्या राज्यात लोक होम 1 लाख 95 हजार 704 क्वारंटाईनमध्ये असून, 1 हजार 664 लोक संस्थात्मक क्वारंटाईनमध्ये आहेत.