प्रतिनिधी /बेळगाव
शेख कॉलेजतर्फे येथील नेहरू स्टेडियमवर आयोजित करण्यात आलेल्या तालुकास्तरीय स्पर्धेत बेळगावच्या भरतेश कॉलेजच्या विद्यार्थ्यांनी घवघवीत यश मिळवताना 13 पदके पटकावली.
जाफरखान सरवरने उंच उडी, तिहेरी उडी, 400 मीटर अडथळा शर्यतीत सुवर्ण, इमाम हुसेन नाजूकनावरने 100, 200, 400 मीटरमध्ये सुवर्ण, भुवन पुजारीने 800, 1500 मीटरमध्ये सुवर्ण, 3000 मीटरमध्ये रौप्य पदक, राजू चौगुलेने 3000 मीटर क्रॉस कंट्रीत रौप्य, रोहित पाटील व दयानंद हावळ यांनी कराटेत रौप्य, 70 किलो वजन गटात कुस्तीमध्ये शिवम पाटीलने सुवर्णपदक पटकावले.
या सर्व खेळाडूंना प्रा. सुनीता देशपांडे यांचे प्रोत्साहन तर शारीरिक शिक्षक प्रदीप जुवेकर यांचे मार्गदर्शन लाभत आहे.