ऑनलाईन टीम/दिल्ली
राजधानी दिल्लीत पोलिसांनी घातपाताचा मोठा कट उधळून लावला. दिल्ली पोलिसांच्या विशेष पथकानं शुक्रवारी मध्यरात्री अतिरेक्यांचा हा कट उधळून लावला. यावेळी रिंग रोड परिसरातील धोला कुवा येथून पोलिसांनी ISI च्या अतिरेक्याला अटक केली. अबू युसूफ असं या अतिरक्याच नाव असून, आयएसआय या दहशतवादी संघटनेसाठी तो काम करत असल्याचं पोलिसांनी सांगितलं.
अटक करण्यापूर्वी पोलीस आणि अतिरेक्यामध्ये चकमक उडाली. पोलिसांनी धडक कारवाई करत अतिरेक्याला बेड्या ठोकल्या. त्याच्याजवळून आयईडी स्फोटकांसह मोठा शस्त्रसाठा जप्त केला. तर, घटनास्थळावरून एक अतिरेकी फरार झाला आहे.
“धोला कुवा येथून एका आयएसआयच्या अतिरेक्याला अटक करण्यात आली आहे. पोलीस आणि अतिरेक्यामध्ये गोळीबार झाल्यानंतर ही त्याला अटक करण्यात आलं. त्याच्याजवळ आयईडी बॉम्बसह शस्त्रसाठा आढळून आला असून, जप्त करण्यात आला आहे,” अशी माहिती दिल्लीचे पोलीस उपायुक्त प्रमोद सिंह यांनी याविषयी माहिती दिली.
Previous Articleसांगलीत गणरायाचे उत्साहात आगमन
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.