वृत्तसंस्था/ दुबई
पुढील आठवडय़ात येथे होणाऱया डब्ल्यूटीए टूरवरील दुबई खुल्या महिलांच्या टेनिस स्पर्धेतून ऑस्ट्रेलियाची टॉप सीडेड महिला टेनिसपटू ऍश्ले बार्टीने दुखापतीमुळे माघार घेतली आहे. 24 वर्षीय बार्टीच्या डाव्या पायाला दुखापत झाली असून ती अद्याप पूर्णपणे बरी झाली नसल्याने तिने दुबईतील स्पर्धेतून माघार घेण्याचा निर्णय जाहीर केला. सध्या दोहा येथे सुरू असलेल्या कतार खुल्या टेनिस स्पर्धेतही ती या दुखापतीमुळे सहभागी होवू शकली नाही