प्रतिनिधी / काणकोण
आयुष्यभर संगीतात रमलेल्या आणि संगीतातून ईश्वराची सेवा केलेल्या देळे-काणकोण येथील वै. पांडुरंग बा. ना. गावकर यांच्या चौथ्या स्मृतिदिनानिमित्त 9 रोजी संध्याकाळी 5.30 वा. मातृपितृछाया, देळे येथे स्वरमयी स्मरण सोहळय़ाचे आयोजन करण्यात आले आहे. या संगीत कार्यक्रमात वसीम खाँ, प्राप्ती गावस, दुवी च्यारी, श्रेयस पैठणकर, उर्वी फडके, हेमा गावकर, आरती गावडे, पल्लवी पाटील, श्रीया टेंगसे, अश्विनी अभ्यंकर, मिताली चव्हाण आणि डॉ. प्रवीण गावकर हे सारंगीवादन, सुगम संगीत सादर करणार आहेत. त्यांना विष्णू शिरोडकर, यतीन तळावलीकर, अवधुत च्यारी, गोपाळ प्रभू, आणि उत्पल सायनेकर साथ करणार आहेत, तर सूत्रनिवेदन नेहा उपाध्ये करणार आहेत. या कार्यकमाचा भाग म्हणून आवडू उर्फ विमल गायकर यांचा सत्कार करण्यात येणार असल्याचे या कार्यक्रमाचे संयोजक डॉ. गावकर यांनी कळविले आहे.