प्रतिनिधी / बेळगाव
नागपंचमीला नागाची पूजा करण्याची परंपरा आहे. पण गेल्या काही वर्षांत या दिवशी नागाचे खेळ करून लोक पैसे कमावतात. वन्यजीव संरक्षण कायद्यानुसार हा गुन्हा असल्याने वन विभागाने गेल्या अनेक वर्षांपासून नागाला दूध देणारे, त्याचा खेळ करणाऱ्या लोकांवर कारवाई करण्यास सुरुवात केली आहे.असे असताना देखील नागपंचमीनिमित्त शहरात गारुडी घेऊन अनेक महिला फिरत आहेत.दुसरे रेल्वे गेट टिळकवाडी येथे काही महिला गारुडी घेऊन फिरत होत्या. यावेळी वनविभागाने नाग सापाला ताब्यात घेतले व मच्छे येथील ट्री पार्कमध्ये सोडण्यात सोडले.
निसर्ग साखळीतील महत्त्वाचा दूवा, शेतकऱ्यांचा मित्र म्हणून नागाप्रती कृतज्ञता नक्कीच व्यक्त करा, पण त्यासाठी नागाची प्रतिमा वापरा,’ असे आवाहनही वनविभागाने केले आहे. यावेळी वनविभागाचे आर. एच. डोंबरगी, विनय गौडर व सामाजिक कार्यकर्ते संतोष दरेकर उपस्थित होते.