प्रतिनिधी / शिरोळ
श्रीक्षेत्र नृसिंहवाडी येथे दत्त दर्शनासाठी आलेल्या सिंधुदुर्गच्या तरुणाचा कृष्णा नदीत बुडून मृत्यू झाला. केशव सिताराम राऊळ (वय 26) रा. मळगाव तालुका सावंतवाडी असे मृत तरुणाचे नाव आहे. शनिवारी सायंकाळी सहा वाजता कृष्णा नदीच्या पात्रात पोहण्यासाठी गेला असता त्याचा पाण्यात बुडून मृत्यू झाला.
याबाबत शिरोळ पोलिसांतून मिळालेली माहिती अशी की, मृत केशव सिताराम राऊळ व दत्तप्रसाद दिगंबर देवळी दत्त दर्शनासाठी श्रीक्षेत्र नरसिंह वाडी येथे आले होते. शनिवार दि 4 रोजी सायंकाळी सहा वाजताच्या सुमारास कृष्णा नदीच्या पात्रात केशव राऊळ हा पोहत असताना अचानक पाण्यात बुडून मयत झाला. सदर घटनेची वर्दी दत्तप्रसाद देवळी यांनी पोलिसात दिली असून आकस्मित मृत्यू म्हणून नोंद करण्यात आली आहे. सदर घटनेचा तपास पोलिस हवलदार धुमाळे करीत आहेत.